.. موقع في قمة الذكاء ...

السلام عليكم وجمعه مباركه على الجميع

الكل يعرف لعبه اكيد الاغلب لعبها مع اخوانه اصدقائه ايام الطفولة او حتى هالايام

لعبة انك تحط شي براسك ... ويسالونك عنه اللي حولك ... لين احد يعرف ويجاوب
الموقع اللي جايبه اليوم كنا بطلعة انا واصحاب لي وجات سيرته وتناقشنا فيه وجربته وعجبني جدا
نفس الشي هالموقع يخليك تحط شخصية ببالك ويبدأ يسالك اسئلة

يسالك كم سؤال ... من خلال اجوبتك يطلعلك صورة اللي تفكر فيه واسمه

فكرت في ناس عرب واجانب ... وجابها ابن اللذين

اعتقد لو فكرت بشخصية جديدة يخليك تسجلها بالموقع على اساس يحفظها عنده للي يجي بعدين

المطلوب : ادخلو ... وتعالو هنا قوليلي وش النتيجه

الاهم هو : جاوبو بصدق على الاسئلة مو تجاوب غلط !!

ثاني شي اللي ما يفهم انقليش حاول تترجم السؤال وبعدين جاوب عليه

ثالث شي مو تفكر بولد جيرانكم اللي جلدك وانت صغير روقونا شوي فكرو بشخصيات معقوله ومعروفه !!

على فكرة فكرت بولد خالتي ... وطلع الجواب ابن خالتك

تصدقون فكرت بـ صحابة زي عمر ابن الخطاب ... وجابه ابن الكلب

طبعا ما يجيب صورهم هذولي بس يطلعلك اسمه

ابو بكر وعمر رضي الله عنهم لو كنت مفكر فيهم يسالك اسئلة اخر شي يحجر لك هل مات مقتول اذا قلت ايه يطلع عمر واذا لا يطلع ابو بكر

طبعا الاجابات مو انت تكتبها هو بس يسالك وانت تختار يس او نو او اللي هو يعني

لو طلع توقعه غلط يطلع لك قائمة بالبدائل اللي ممكن يكون هم المقصودين وغالبا تلقى اسم اللي ببالك موجود طبعا هذا يعتمد كليا على صدق اجوبتك

من جد عيوني صارت كذا موقع والله بطل بطل بطل

جبته لكم لان اعتقد هذا مكانه

بانتظار ردود اللي جربو الموقع

اقسم بالله موقع خطير جربوه لا يفوتكم

http://en.akinator.com/

بانتظار ردود كل من زار الموقع

شرح اللعبه باختصار مرة ثانيه

- حط شخصيه ببالك تعرف عنها كل التفاصيل حتى الخاصه ... ابدا اللعبه
وجاوب على الاسئلة بكل صدق ودقه لان غلط واحد ممكن يفرق كثير
كل سؤال يعطيك عليه خمس اختيارات الاولى نعم .. بعدين انك شاك بس اقرب لنعم ..
بعدها ما ادري ... بعدها انك شاك بس اقرب لـ لا ... بعدها لا

طبعا هو يسالك واول ما يعرف الجواب يطلعه ... لكن معه 20 سؤال اذا وصل 20
سؤال لازم يطلع اي اجابه .. لو طلعت غلط تقدر تقوله اسالني اسئلة زياده ويكمل معك
كم سؤال

زي ما قلت لكم فكرو بلاعبين ممثلين فنانين ... شخصيات تاريخيه دينيه اللي هو .. حتى
لو فكرتو بشخصيات قريبه منكم ..مثلا شخص فكر في حبيبته او زوجته ما رح يطلع اسمها
بيطلع لك صورة قلب مثلا ويقولك يور لوف او زي كذا ... مثلا قكرت بقريب لك يطلعلك انه
احد اقاربك ... لكن الشخصيات المشهورة يطلعه هو نفسه بالصورة والاسم

شكرا لكم